प्रकाशित मिति : आइतवार, पुस ८, २०७५
काठमाडौं । स्पेनिस क्लब रियाल मड्रिडले लगातार तेस्रो पटक फिफा क्लब विश्वकप फुटबलको उपाधि जितेको छ ।
गएराति युएईको आबुधाबीमा भएको फाइनलमा स्थानीय अल आइन फुटबल क्लबलाई ४– १ ले हराउँदै रियालले लगातार तेस्रो पटक उपाधि जितेको हो ।
खेलमा रियाललाई विजयी गराउन लुका मोड्रिच, मार्कस लोरेन्ते र सर्जियो रामोसले एक–एक गोल गरे । अल आइनका याहिया नादिरले एक आत्मघाती गोल गरेका थिए ।
रियाल मड्रिडले यसअघि सन् २०१६ र २०१७ मा पनि फिफा क्लब विश्वकपको उपाधि जितेको थियो ।
समग्रमा भने रियालले चौथो पटक क्लब विश्वकप फुटबलको उपाधि जितेको हो ।
© copyright 2016-2019 and all right reserved to jaljalakhabar | Site By : sobij
