विश्वमै बेइजत : सुनामीबाट सयौंको मृत्यु भएकोमा इन्डोनेसियालीलाई राष्ट्रपति भण्डारीको बधाई ! [विज्ञप्ति]

काठमाडौ । मुलुकको प्रमुख पदबाट यति हदसम्मको लापरवाही हुन्छ र राष्ट्रको बेइजति हुन्छ भन्ने कसैले कल्पना समेत गर्न सक्दैनन् । तर नेपालका राष्ट्रपति विद्यादेवी भण्डारीबाट यस्तै गल्ती भएको छ । जसले विश्वमै बेइजत भएको छ । मानिस मर्दा बधाई भन्ने शब्द प्रयोग भए के हुन्छ ? राष्ट्रपति भण्डारीबाट जारी गरिएको विज्ञप्तिमा यस्तै भएको छ । इन्डोनेसियामा सुनामीबाट सयौंको मृत्यु भयो । मृत्यु भएकोमा इन्डोनेसियाली समकक्षीलाई राष्ट्रपति भण्डारीको बधाई दिएकी छिन् । यो सरकारी विज्ञप्ति कति हतार र लापरवाहीका साथ प्रकाशित गरिन्छ भन्ने उदाहरण हो, बुधबार परराष्ट्र मन्त्रालयले जारी गरेको विज्ञप्ति । कर्मचारीको ‘कपी पेष्ट’ गर्ने बानीले कुन हदसम्म राष्ट्रको बेइज्जत हुन्छ भन्ने यो ज्वलन्त उदाहरण हो ।

“राष्ट्रपति विद्यादेवी भण्डारीले शनिबार इन्डोनेसियाको बान्टेन र लामपुङ क्षेत्रमा आएको सुनामीको कारण कयौंको ज्यान गएकोमा इन्डोनेसियाको राष्ट्रपतिलाई एक बधाई सन्देश पठाउनु भएको छ,” परराष्ट्र मन्त्रालयले एकसाथ सयौं नेपाली र विदेशी सञ्चार माध्यममा कार्यरत पत्रकारहरुलाई इमेल मार्फत पठाइएको विज्ञप्तिमा भनिएको छ । विज्ञप्तिको पहिलो अनुच्छेदमा इन्डोनेसियाको राष्ट्रपतिलाई इन्डोनेसियाका कयौं नागरिकको मृत्यु भएकोमा बधाई दिइएको भएपनि दोस्रो अनुच्छेदमा भने दुःख व्यक्त गरिएको छ ।

“सन्देशमा राष्ट्रपतिले कयौंको ज्यान गएकोमा नेपाल सरकार र आफ्नो व्यक्तिगत तर्फबाट गहिरो दुःख व्यक्त गर्नु भएको छ,” विज्ञप्तिमा भनिएको छ । विज्ञप्तिमा जारी उद्धार कार्यमा सफलता मिलोस् भन्ने कामना पनि गरिएको छ । “हाम्रोमा जाँगर चलाउने बानी कम छ । पुरानै विज्ञप्तिमा मिति र नाम परिवर्तन गर्ने अभ्यास छ । त्यसैले यस्तो गल्ति भएको हो,” परराष्ट्र मन्त्रालयका एक उच्च अधिकारीले भने, “नियतवश यस्तो भएको होइन ।” इन्डोनेसियामा शनिबार आएको सुनामीका कारण बुधबारसम्म ४२० जनाभन्दा बढीको ज्यान गइसकेको छ । उद्धार कार्य जारी छ । यस्तो छ विज्ञप्ति जान बोलीबाट साभार

नेपाली इन अब्रोडबाट सभार