प्रकाशित मिति : शुक्रबार, माघ ४, २०७५
जनकपुर, माघ ४ । प्रदेश नम्बर–२ को नामाकरणको विषयमा राजनीतिक दलहरुबीच विवाद देखिएको छ ।
प्रदेशको नामाकरण र राजधानी तोक्ने सम्बन्धमा शुक्रबार जनकपुरमा सुझाव संकलन कार्यक्रममा विवाद देखिएको हो ।
प्रदेशको राजधानी जनकपुर नै कायम राख्नेमा सबै राजनीतिक दल एकमत देखिएपनि प्रदेशको नाममा भने मतभिन्नता देखिएको हो ।
कार्यक्रममा संघीय समाजवादी फोरम नेपाल र राजपा नेपालका सांसदले ‘मधेस’ प्रदेश हुनुपर्ने आवाज उठाएका थिए ।
नेपाली कांग्रेस पक्षधरले ‘मिथिला’ र नेकपा सांसदले ‘जनक’ प्रदेश हुनुपर्ने धारणा राखेका थिए ।
प्रदेशका सबै जिल्लामा सुझाव संकलन भइसकेको छ । सुझाव संकलनको शुक्रबार अन्तिम दिन हो ।
© copyright 2016-2019 and all right reserved to jaljalakhabar | Site By : sobij
