अन्तराष्ट्रिय क्रशवड च्यालेन्जको उपाधि नारायणी नमुना माविलाई

काठमाडौं । नयाँ बानेश्वरमा सम्पन्न भएको प्रथम नेपाल अन्तरास्ट्रिय क्रशवड च्यालेन्जको उपाधि नारायणी नमुना माबि चितवनले जितेको छ।

नेपाल भरिका १६ वटा विद्यालयले सहभागी जनाएको उक्त कार्यक्रमको आयोजना भारतको एक्स्ट्रा सी र सुदर्शन वर्ल्ड नामक संस्थाले गरेका थिए।

कार्यक्रममा पूर्वमन्त्रि एवं सभासद रामेश्वर राय, नायक निखिल उप्रेती, जनकपुर डेभ्लाप्मेंट अथोरिटीका अध्यक्ष शालिग्राम सिंह, सार्क स्टुडेन्ट काउन्सिलका अध्यक्ष एवं युवा अभियन्ता नबिन यादवसहित कार्यक्रममा सुदर्शन वर्ल्ड एवं एक्स्ट्रा सीका पदाधिकारीहरु उपस्थित थिए।

कार्यक्रममा सार्क डिभलप्मेंट फण्डका अध्यक्ष सुनिल मोतिवालले भिडियो मार्फत सहभागी सम्पूर्ण विद्यार्थी एवं कार्यक्रम आयोजकलाई शुभकामना सन्देश दिएका थिए।

सुदर्शन वर्ल्डका अध्यक्ष बिके सुदर्शनले आगामी बर्षबाट यो कार्यक्रम दक्षिण एसिया स्तरमा लैजाने प्रतिबद्ता व्यक्त गरे। कार्यक्रमका मुख्य आकर्षक नायक निखिल उप्रेतीले सहभागी सम्पूर्ण विद्यार्थीहरुलाई उत्साह र हौसला बढाउने अभिव्यक्ति दिदा उपस्थित सम्पूर्ण सहभागीहरु प्रफुल्लित भएका थिए।