बागी उम्मेदवारी परेपछि कम्युनिष्टहरुलाई लाग्यो झटका, कांग्रेसको जित सुनिश्चित

दाङ । दाङ नेकपालाई झट्का लागेको छ । सन्निकट मसिंर १४ गते हुने उप निर्वाचनमा दाङमा नेकपाबाट वडा अध्यक्ष पदमा बागी उम्मेदवारी परेको छ । नेकपा कै कार्यकर्ता जगलाल चौधरीले नेकपाको कार्यदलको निर्णय प्रति तिब्र असन्तुष्टी जनाउँदै बागी उम्मेदवारी दर्ता गनुभएको हो । घोराही उपमहानगरपालीका वडा नं १६ मा तत्कालीन वडा अध्यक्ष लक्षिन बुढाको स्वर्गारोहण भएपछि रिक्त रहेको वडा अध्यक्ष पदमा यहिँ मंसीर १४ गते उपनिर्वाचन हुँदै छ ।

नेपाली राष्ट्रिय झण्डा, बाजागाजा सहित मनोनयन दर्ता गराउन निर्वाचन कार्यालय पुग्नु भएका चौधरीले नेताको गुलामी र दलाली गर्नै प्रबृत्तिको बिरोधमा आफ्नो उम्मेदवारी परेको बताउनुभयो । वडा नं १६ का तत्कालीन अध्यक्ष लक्षिन बुढाको सपना पुरा गर्न १६ नं वडाका जनताहरुले आफुलाई चुनावमा उठ्न प्रेरणा दिएको चौधरीले भन्नु भएको छ ।

“मेरो उम्मेदवारी कुनै पनि हालतमा फिर्ता हुँदैन ” चौधरीले भन्नु भयो । यस्तै देशै वडा नं १६ को संभाबीत उम्मेदवारमा स्व. लक्षिन प्रसाद बुढाको श्रीमती लालमती बुढाको नाम चार्चामा थियो । मंसीर १४ गते हुन गईरहेको उपनिर्वाचनमा स्वर्गीय भएको श्रीमानको स्थानमा पार्टीले विश्वास र सहानुभूती देखाउँदै उहाँकी श्रीमतीलाई टिकट दिइरहेको बेला घोराही उपमहानगर १६ नम्बर वडा अध्यक्ष पदमा भने त्यसो नगरिएको भन्दै सरोकारहरुले गम्भीर ध्यानाकर्षण भएको जनाएका छन् ।

बैजाली बुढा मगर समाज दाङ र नेपाल मगर संघ जिल्ला समन्वय समिति दाङले बुधबार बिहान छुट्टाछुट्टै विज्ञप्ति जारी गर्दै उनीहरुले गम्भीर आपत्ती जनाएका हुन् । स्वर्गीय लक्षिनप्रसाद बुढा मगरकी धर्मपत्नी लालमती बुढामगर आदिबासी जनजाती भए कै कारण पार्टीका तर्फबाट विभेद गरी राजनीतिक अधिकार खोसेको भन्दै आपत्ति जनाएका छन् ।

नेपाल मगर संघ दाङका अध्यक्ष खलुप्रसाद पुनमगर र सचिव मुक्त बुढामगरले विज्ञप्ति जारी गर्दै नेकपाको तर्फबाट गरिएको गलत निर्णय सच्याउँदै लक्षिनकी धर्मपत्नी लालमतीलाई नै उम्मेदवार माग बनाउन माग गरेका छन् । स्वर्गीय लक्षिनप्रसाद नेपाल कम्युनिष्ट पार्टी नेकपाबाट सिफारिस भै वडा अध्यक्षमा निर्वा्चित भएका थिए ।