मन्त्री हुने रहर धेरैलाई जाग्दा सुदूरपश्चिमका दुई मन्त्रालय मन्त्रीविहिन

काठमाडौं । सुदूरपश्चिम प्रदेश सरकारका दुई मन्त्रालय डेढ महिनादेखि मन्त्रीबिहिन रहेका छन् । आफ्नो समूहमा आकांक्षी धेरै देखएपछि मुख्यमन्त्री त्रिलोचन भट्टलाई मन्त्री नियुक्त गर्न सकस परेको हो ।

दाहाल – नेपाल समूहमा आकांक्षी धेरै देखिएका र मन्त्री नपाएपछि असन्तुष्टहरू ओली समूहमा जान सक्ने भएकाले मुख्यमन्त्री भट्टले नयाँ मन्त्री नियुक्त गर्न सक्नुभएको छैन ।

नेकपा विभाजनपछि ओली समूहका भौतिक पूर्वाधार विकासमन्त्री पठानसिंह बोहरालाई पुसमा मुख्यमन्त्री भट्टले पदबाट हटाउनुभएको थियो ।

ओली समूहमा लागेका आर्थिक मामलिा तथा योजनामन्त्री झपटबहादुर बोहराले पनि गत पुसमा राजीनामा दिनुभएको थियो । दुवै मन्त्रालय अहिले मुख्यमन्त्री भट्टले आफैंसँग राख्नुभएको छ ।