म्युनिख र युभेन्टस च्याम्पियन्स लिगको नक आउट चरणमा प्रवेश

एजेन्सी । बायर्न म्युनिख र युभेन्टस युएफा च्याम्पियन्स लिग फुटबल प्रतियोगिताको अन्तिम १६ मा प्रवेश गरेका छन् ।

गएराति भएको समूहको चौथो खेलमा पोर्चुगलको बेनिफिकालाई ५–२ ले हराउँदै जर्मनीको बायर्न म्युनिख राउण्ड अफ सिक्सटिनमा पुगेको हो । यो समूहको अर्को खेलमा स्पेनको बार्सिलोनाले युक्रेनको डाइनामो किभलाई १–० ले हरायो ।

समूहका चार खेलबाट बायर्नको १२ अंक भएको छ भने बार्सिलोनाको ६ तथा बेनिफीकाको ४ अंक छ । उता समूह एच को खेलमा रुसको जेनिथलाई ४–२ ले हराउँदै इटालीको युभेन्टस पनि राउण्ड अफ सिक्स्टिनमा पुगेको छ ।

यही समूहको अर्को खेलमा स्विडेनको माल्मोमाथि १–० को जित निकाल्दै इंग्ल्याण्डको चेल्सी पनि नक आउट चरण नजिक पुगेको छ । युभेन्टसको १२ अंक भएको छ भने चेल्सीको ९ अंक छ ।

च्याम्पियन्स लिग अन्तर्गत गएराती भएका अन्य खेलहरुमा जर्मनीको उल्फवर्गले अष्ट्रियाको साल्जवर्गलाई २–१ ले हराउँदा फ्रान्सको लिलले स्पेनको सेभियामाथि २–१ को जित निकाल्यो ।

यसैगरी इंग्ल्याण्डको म्यान्चेस्टर युनाइटेडले इटालीको एटलान्टासँग २–२ गोलको बराबरी खेल्दा स्पेनको भियारियालले स्विट्जरल्याण्डको योङ ब्वाइजलाई २–० ले पराजित ग¥यो ।