सोलुखुम्बु जिल्लालाई ८ ओटा स्थानीय तह बनाउने सहमती

जेपी थुलुङ, सोलुखुम्बु ।लामो समयको प्रयासपछि सोलुखुम्बु जिल्लालाई ८ ओटा स्थानीय तह बनाउने सहमती भएको भएको छ । सर्वदलीय बैठकको लामो प्रयासपछि साबिकको १ नगरपालिका र ३० ओटा गाबिसलाई १ नगरपालिका र ७ ओटा गाउपालिका बनाउने सहमति भएको स्थानिय तह पुरसंरचना तथा प्राबिधिक सहयोग समितिका संयोजक तथा स्थायिन बिकास अधिकारी कृष्ण प्रसाद सापकोटाले जानकारी दिनुभयो ।

निर्धारित संरचनअुसार गोली, चौलाखर्क र भकान्जेको चौलाखर्क केन्द्र रहनेगरी लिखु गाउपालीका, गोराखानि, टाप्टीङ, केरुङ टाक्सीन्दु र  दुधकुण्ड नगरपालिका साबिककै सल्लेरी केन्द्र रहनेगरी सोलुदुधुकण्ड नगरपालिका, यस्तै नेले, मुक्ली, देउसा, जुबु, लोखिम, कागेल र पंचन मुक्ली केन्द्र रहने गरी थुलुङ दुधकौशीका गाउपालिका र सल्यान, नेचा बतासे, नेचाबेतघारी र तिङलालाई सल्यान केन्द्र रहनेगरी नेचा सल्यान गाउपालिका बनाउने सहमति भएको छ ।

यस्तै बासा, वाकु, काकु र टाक्सीन्दुको बासाखालीमा केन्द्र रहनेगरी बासाखाली गाउपालीका, बुङ, छेस्काम र गुदेलको बुङमा केन्द्र रहनेगरी महाकुलुङ गाउपालिका, सोताङ र पावै सोताङ बजार केन्द्र रहनेगरी सोताङ गाउपालिका र चौरीखर्क, जुभिङ, नाम्चे र खुम्जुङ चौरीखर्कमा केन्द्र रहने गरी खुम्बु गाउपालिका बनाउने सहमति भएको स्थानिय तह पुनरसंरचना तथा प्राबिधिक सहयोग समिति सोलुखुम्बुले जनाएको छ ।