बजार घट्नेक्रम रोकिएन, दोहोरो अंकको गिरावट

काठमाडौ । नेपालको पुँजी बजार ओर्लिनेक्रमले बुधबार पनि निरन्तरता लिएको छ । आज बजार २७.६३ अंकले झरेको हो । यो सँगै बजार आव १७ सय अंकभन्दा मुनि १ हजार ६ सय ९६ मा ओर्लिएको छ ।
एक सय २७ कम्पनीको १० लाख २२ हजार ६ सय ९२ कित्ता सेयर खरिद विक्रि भएको आज ६८ करोड ७३ लाख ५० हजार ६ सय १३ रुपैयाँको कारोवार भएको छ । आज सवै सूचक रातो भएका छन् ।
बैकिङ समूहको सूचक २४.७ अंकले घटेको आज होटल समूहको सूचक ६३.७५ अंकले झरेको छ । यस्तै, बिकास बैंक समूहको सूचक ३५.९ अंघले घटेको छ भने जलविद्युत समूहको सूचक ३७.५ अंकले घटेको नेपाल स्टक एक्सचेन्जले जनाएको छ । यस्तै, फाइनान्स समूहको सूचक १० अंकले घटेको आज बीमा समूहको सूचक भने एक सय ५८.८६ र अन्य समूहको सूचक ११.२८ अंकले घटेको छ ।