दाङको देउखुरीमा बसको ठक्करबाट साइकल यात्री घाइते

दाङ । बसको ठक्करबाट सिसहनियामा एक साइकल यात्री गम्भीर घाइते भएका छन् । बिहीबार पूर्वबाट–पश्चिमतर्फ आइरहेको लु १ ख ६९१४ नम्वरको यात्रुवाहक बसले सिसहनियाँ बजारमा साइकल यात्री खलङ्गा ६ प्यूठान घर भई हाल लालमटिया–९ मौरीघाटमा बस्दै आएका अन्दाजी २५ वर्षिय वसन्त गिरी गम्भीर घाइते भएका हुन् ।

घाइते गिरीको टाउकोमा गहिरो चोट लागेको छ । घाइतेको अहिले प्राथमिक स्वास्थ्य केन्द्र लमहीमा उपचार भइरहेको छ, भने ठक्कर दिने बसलाई वडाप्रहरी कार्यालय लमहीले आफ्नो नियन्त्रणमा लिइसकेको प्रहरी चौकी सिसहनियाँका प्रमुख यज्ञमणी वैदिकले बताउनुभयो । साइकलवालाले बाटो क्रस गर्न खोज्दा सो दुर्घटना भएको प्रहरीले बताएको छ ।