प्रकाशित मिति : शुक्रबार, मंसिर ३, २०७३
काठमाडौं । राजधानीको तिकुनेस्थित गैरीगाउँमा बसले मोटरसाईकललाई ठक्कर दिँदा एक जनाको मृत्यु भएको छ ।
शुक्रवार तीनकुनेबाट एयरपोर्ट तर्फ जाँदै गरेको बा ३ ख २०५६ नम्बरको बसले बा २६ प ४३३८ नम्बरको मोटरसाईकललाई ठक्कर दिँदा काभ्रेको नाला–३ का हरिगोपाल श्रेष्ठको मृत्यु भएको महानगरीय ट्राफिक प्रहरी महाशाखाका प्रवक्ता लोकेन्द्र मल्लले जानकारी दिए ।
घटनास्थलमा सख्त घाइते भएका श्रेष्ठलाई उपचारका लागी सिभिल हस्पिटल लैजाने क्रममा मृत्यु भएको जानकारी दिँदै एसपी मल्लले भने, ‘गाडी र मोटरसाईकल दुवैलाई नियन्त्रणमा लिएर अनुसन्धान गरिरहेका छौं ।’
© copyright 2016-2019 and all right reserved to jaljalakhabar | Site By : sobij
