रामदेव वीरगञ्जमाः आदर्शनगर रङ्गशालामा यसरी गरे लडीबुडी

वीरगन्ज । वीरगन्जको आदर्शनगर रङ्गशालामा विहिबारदेखि योग विज्ञान शिविर २०७३ को आयोजना गरिएको छ ।
शिविर आगामी १३ गते सम्म सञ्चालन हुने छ । शिविरको पहिलो दिन चर्चित योग गुरु रामदेवले करीब ५ हजार सर्वसाधारणलाई योगाभ्यास गराएका थिए ।
उनले योगसम्बन्धी विभिन्न आसन गरेर देखाउँदै उपस्थित सर्वसाधारणले सोहि अनुसारको योगाभ्यास गरेका थिए ।
शिविरको एकाबिहानै राष्ट्रपति विद्यादेवी भण्डारीले उद्घाटन गरेकी थिइन् ।
योगाभ्यासमा राष्ट्रपति र स्वामी रामदेवसँगै आचार्य बालकृष्ण, भारतीय राजदूत रणजीत राय, रुसी राजदूत आन्द्रेई सेरगेयेभिच वुद्निक, मन्त्रिगणलगायत विशिष्ट व्यक्तिको उपस्थिति रहेको थियो ।