पुल भाँच्चिएपछि अवरुद्ध राजमार्ग डाईभर्सन बनाई संचालन

मंसिर ।  भाँचिएको पुलका कारण अवरुद्ध भएको राजमार्गलाई प्रहरीले डाईभर्सन बनाएर सुचारु गरेको छ । बौलाहा पुलको उत्तर साईडबाट दुईटा डाईभर्सन बनाई पुर्व तथा पश्चिम आवतजात गर्ने सवारी साधनहरुलाई वनवे गरि पठाउने गरिएको छ ।

आज विहान ३ बजे पुर्वपश्चि राजमार्ग अन्तर्गत नवलपरासीको देवचुली १२ दलदले स्थित बौलाहा खोलाको पुल ना ६ ख ३०१७ नम्बरको ट्रकको ठक्करले भाँचिएपछि राजमार्ग अवरोध भई यात्रुहरु अलपत्र परेका थिए ।

भाँचिएको पुलको एकासाईडबाट पैदल यात्री तथा हल्का सावरी मोटरसाईकलहरु पठाउने गरिएको छ भने खोलमा डाईभर्सन बनाई ठुला सवारी साधनहरु पठाईने गरिएको ईलाका प्रहरी कार्यालय नवलपुरले जनाएको छ ।

बाटो वन वे भएपनि सवारी साधनहरुको चापले बाटो जाम भएको छ । राजमार्ग अवरुद्धले पश्चिम रजहर र कावासोतीसम्म सवारी साधनको लाम लागेको थियो भने पुर्व मुकुन्दपुरसम्म सवारी साधनहरुको लाम लागेका थियो ।