प्रकाशित मिति : बुधबार, पुस ६, २०७३
बझाङ । बझाङमा दुई युवायुवतीले आत्महत्या गरेका छन्।
सुर्मा -४ का २२ वर्षीय पुरन बोहरा र सोही ठाउँकी १७ वर्षीया संगीता बोहरा एकै डोरीको पासोमा झुण्डिएको अवस्थामा फेला परेको प्रहरीले बताएको छ।
मंगलबार साँझ घरबाट बेपत्ता भएका उनीहरु सुर्मा गाविस वडा ७ र ८ को बीचमा पर्ने भाटसेरी सामुदायिक वनमा लालीगुराँसको रुखको एउटै हाँगामा प्लास्टिकको डोरीमा झुण्डिएको अवस्थामा फेला परेको प्रहरी निरीक्षक हिक्मतबहादुर भण्डारीले जानकारी दिए।
पुरन विवाहित हुन् । उनका २ जना बच्चा छन्। मंगलबार साँझ संगीताका बुवा पुरनले अफ्नी छोरी भगाएर लगेको भन्दै प्रहरीमा उजुरी दिन अएका थिए।
उनीहरुले किन आत्महत्या गरे भन्ने कारण खुल्न नसकेको र घटनाको थप अनुसन्धान गर्न जिल्लाबाट प्रहरीको टोली घटनास्थलतर्फ गएको बोहोराले जानकारी दिए।
© copyright 2016-2019 and all right reserved to jaljalakhabar | Site By : sobij
