नाइजेरियाको सहयोग

गैर आवासीय नेपाली संघको नाइजेरिया(लेगोस) समितिले जनकपुरधाममा निर्माण हुन लागेको कुम्भकर(पण्डित) जातिको मन्दिरका लागि आर्थिक सहयोग प्रदान गरेको छ ।

नेपाल प्रजापति कुम्भकर संघ, केन्द्रीय समितिले जनकपुरधाममा निर्माण गर्न लागेको कुम्भर मन्दिरका लागि ८० हजार रुपैयाँ सहयोग गरिएको लेगोस समितिले जनाएको छ ।

गैर आवासीय नेपाली संघ, नाइजेरिया राष्ट्रिय समन्वय समितिका सचिव रोशन थापाका अनुसार गत तिहार पर्वमा लेगोसमा आयोजित देउसीभैलोबाट उठेको रकमबाट उक्त सहयोग गर्ने निर्णय भएको हो ।

तराईमा पिछडा वर्गमा पर्ने कुम्भर प्रजापति जातिका लागि यो सहयोग गर्न पाएकोमा संघका, अन्तर्राष्ट्रिय समन्वय समिति सदस्य चिरन्जिवी रोकाले प्रतिक्रिया दिँदै भविश्यमा पनि यस्तो क्षेत्र छनौट गर्दै सहयोग निरन्तर गरिने बताए ।

संघमा अन्तर्राष्ट्रिय समिति कोषाध्यक्ष हिक्मत थापाले नाइजेरिया समन्वय समितिको सहयोगलाई अनुकरणीय भन्दै आफ्नो देशभित्रको कला–संस्कृति र सभ्यताको जर्गेना गर्नमा अरु देशबाट पनि साथ–सहयोगको अपेक्षा गरेका छन् ।