लालटिन हेर्न, बालबालीकालाई अभिभावक चाहिने

काठमाडौं । अभिनेता दयाहाङ राई अभिनित चलचित्र ‘लालटिन’ले पीजी प्रमाणपत्र पाएको छ । चलचित्र जाँच समिति सेन्टरले मंगलबार साँझ चलचित्र हेरेपछि प्रमाणपत्र दिएको हो । यो चलचित्र हेर्न बालबालीकालाई अब अभिभावकको साथ चाहिनेछ ।

देवकुमार श्रेष्ठद्धारा निर्देशित चलचित्र २ घन्टा १३ मिनेट अवधिको छ ।
चैत १८ मा रिलिज हुने यो चलचित्र एमसन पिक्चर्सको ब्यानरमा बनेको हो, भने अनिम श्रेष्ठ र राज केसीले निर्माण गरेका हुन् । चलचित्रमा मनोज राजभण्डारी र दीपक श्रेष्ठ सहायक निर्माताका रुपमा रहेका छन् ।

दयाहाङ सहित प्रियंका कार्की, अर्जुनजंग शाही, ए गुरुङ, भानुप्रताप, जनक बर्तौंला, रीया श्रेष्ठ, लीला माया, नविन शाह, सुनिल कट्वाल, मोहनविक्रम श्रेष्ठ, कमल आले र रामकेशर बोगटीलगायत कलाकारले चलचित्रमा अभिनय गरेका छन् ।
विनोद ढकाल, डिजराज पौडेल र किरण माइकलको संगीत रहेको चलचित्रमा हरि घलेको छायांकन, रोशन श्रेष्ठको एक्सन, अर्जुन जिसी र मिलन श्रेष्ठको सम्पादन छ ।

चलचित्र हेरेपछि सेन्सर सदस्यले बलिउड शैलीको भन्दै प्रशंसा गरेको प्रस्तुत कर्ता भानुप्रतावले बताए ।