पाईप अभावमा स्वास्थ्य चौकी खानेपानी विहीन

काभ्रे ।  काभ्रेको कोसिपारिस्थित चौवास गाविसमा रहेको स्वास्थ्य चौकी भवनमा पाईप लाईनको अभावका कारण खानेपानीबाट बञ्चित भएका छन् । भौतिक संरचना सुन्दर र आधुनिक रहेपनि खानेपानी अभावमा समस्या खेप्नुपरिरको कर्मचारीले बताए ।

करिब डेढ करोड खर्च गरेर भवन निर्माण विभागले निर्माण गरेको यो भवन कोशीपारीकै नमुना भवन हो । तर सो स्वास्थ्य चौकीमा ५ सय मिटर पाइपको अभावले गर्दा खानेपानीको समस्या खेप्नु परेको हो । स्वास्थ्य चौकी भवनमा नै पानीको समस्या परेपनि अहिले गाउँभरि खानेपानीको व्यवस्था भएको छ । एक वर्ष अघिदेखि सो भवनबाट सेवा दिँदै आएकोमा खानेपानीको अभावमा विरामीले चाहेजति पानी खान नपाएको गुनासो सेवाग्राहीहरुको छ ।

‘विरामीलाई समेत पानी दिन गा¥हो भइरहेको छ ।’ चौवास स्वास्थ्य चौकीका इञ्चार्ज भूमिका मगरले भनिन् । उनका अनुसार विहानै उठेर आधा घण्टा लामो दूरीबाट पानी बोकेर ल्याउनुपर्ने बाध्यता रहेको छ । ‘आफ्नो लागि ल्याएको पानी आफूले प्रयोग गर्ने मात्र होइन, सेवाग्राही र शौचालयमा समेत प्रयोग गर्नुपर्छ ।’ मगरले भनिन् ‘विरामीलाई औषधी दिंदा समेत पानी अड्कलेर दिनुपर्ने बाध्यता छ ।’ यो भवन निर्माण भएको करिब १ वर्ष भएपनि खानेपानीको अभाव हुनु विडम्बनाको कुरा रहेको मगरको भनाई छ ।

६ जनाको दरबन्दीमा २ कर्मचारी
एकातिर खानेपानीको समस्या त छ नै तर ६ जनाको दरबन्दीमा २ जना कर्मचारीले मात्रै सेवा दिनुपर्दा कार्यालय सञ्चालनमा समस्या भएको इञ्चार्ज भूमिका मगरले बताईन् । कार्यालय सहायक सहितको ६ जना दरबन्दी रहेको सो स्वास्थ्य चौकीमा हाल २ जना मात्र कर्मचारी कार्यरत छन् ।

कार्यालय सहायक नहुँदा पनि पानीको जोहो गर्न गा¥हो भएको इञ्चार्ज मगरले बताईन् । ‘सहायक भएको भएपनि पानीको जाहो गर्न सजिलो हुन्थ्यो ।’ उनले समस्या दर्शाउँदै भनिन्, ‘म आफै पानीको लागि धाउनुपर्छ ।’ त्यहीबाट सेवाग्राही र शौचालयको लागि समेत पुर्याउन बाध्य छु ।’ उनले थपिन् । कर्मचारी पूर्तिको लागि आफूले जिल्ला स्वास्थ्य कार्यालयमा बारम्बार भन्दा पनि सुनवाई नभएको मगरको गुनासो रहेको छ । मगरका अनुसार यस कार्यालयमा अझै पनि २ जना अनमी, १ जना सीएमए र एक जना सहायकको आवश्यकता रहेको छ ।

जिल्ला स्वास्थ्य कार्यालयका प्रमुख डा. अर्जुन सापकोटाले भने छिट्टै पूर्णता दिने बताए । ‘एक जना केही भर्खरै सरुवा भएको हो, त्यस ठाउँमा तत्काल पठाउने तयारी गरिरहेका छौं ।’ सापकोटाले थपे ‘अरु बाँकी छिट्टै लोकसेवाबाट पठाउँदै छ भन्ने जानकारी आएको छ, पठाएपछि त्यहाँ पूर्णता दिनेछौं ।’

‘कार्यालय सहयोगीको आवश्यक्ता भएको हो, त्यसको लागि पनि छिट्टै ब्यवस्था गरि पठाउँदै छौं ।’ जिल्ला स्वास्थ्य कार्यालयका प्रमुख डा. सापकोटाले भने ।

पाईप लिन आउन अनुरोध
चौवास स्वास्थ्य चौकीमा पुग्दा पाईपको अभावका कारण खानेपानी समस्या ब्यहोरेको देखेपछि जिल्ला खानेपानी तथा सरसफाई डिभिजन कार्यालय धुलिखेलले पाईपको ब्यवस्था गर्ने बताएको छ । ५ सय मिटर पाईपकै अभावका कारण यस स्वास्थ्य चौकीमा खानेपानीको अभाव रहेको खुलासा भएपछि खानेपानी तथा सरसफाई डिभिजन कार्यालयका प्रमुख मोहनलाल जैसीले आफूले पाईप उपलब्ध गराउने प्रतिबद्धता जाहेर गरेका हुन् । ‘यो कुरा लिएर मेरो कार्यालयमा कोही पनि आउनुभएको छैन ।’ जैशीले भने ‘यो कुरा सुनेर मलाई सा¥है दुःख लाग्यो, तुरुन्तै पाईप लिन आउनुहोला ।’ उनले भने । चौवास गाविसलाई खुला दिसामुक्त गाविस घोषणा गर्न पुगेका जैसीले शौचालय मात्र भएर पानी छैन भने त्यसको अर्थ नभएको बताए ।