प्रकाशित मिति : शुक्रबार, माघ १४, २०७३
नवलपरासी । नेपाली काँग्रेसका महामन्त्री डा शसाङ्क कोइरालाले संविधान कार्यान्वयनका लागि दलहरुबीच सहमतिको विकल्प नभएको बताउनुभएको छ ।
नवलपरासीको पहाडी बुलिङटारमा आज आयोजित प्रथम बुलिङटार महोत्सवको उद्घाटन गर्दै महामन्त्री कोइरालाले संविधान कार्यान्वयनका लागि समयमै तीन तहको निर्वाचन हुनुपर्ने बताउनुभयो ।
संविधान जारी गर्ने बेलामा जसरी दलहरुबीच सहमति भएको थियो अब फेरि कार्यान्वयनका लागि पनि त्यस्तै सहमति आवश्यक भएको महामन्त्री कोइरालाको भनाइ थियो ।
महोत्सव हेर्न नवलपरासीको पहाडी गाविसका जनतासहित छिमेकी तनहुँ र पाल्पाबाटसमेत स्थानीयहरु आएका छन् । महोत्सव चार दिनसम्म चल्नेछ ।
© copyright 2016-2019 and all right reserved to jaljalakhabar | Site By : sobij
