त्रिवि विमानस्थलमा नर्भिकको निःशुल्क आकस्मिक चिकित्सा सेवा

काठमाडौं ।  नर्भिक इन्टरनेशनल हस्पिटलद्वारा विमानस्थलको आन्तरिक टर्मिनल भवनमा स्थापित निःशुल्क आकस्मिक स्वास्थ्योपचार क्लिनिक उद्घाटन गरिएको छ । शुक्रबार बिहान नर्भिककी प्रबन्ध निर्देशक मेघा चौधरी शाक्य र विमानस्थलस्थित नागरिक उड्ड्यन कार्यालय, नागरिक उड्ड्यन प्राधिकरणका महाप्रबन्धक देवानन्द प्रसाद उपाध्यायले संयुक्त रुपमा उक्त कक्षको उद्घाटन गरेका हुन् ।

उक्त निःशुल्क आकस्मिक क्लिनिक मार्फत् नर्भिकले आन्तरीक हवाई यात्रीहरूमा आइपर्ने आकस्मिक चिकित्सा आवश्यकतालाई परिपूर्ति गर्ने लक्ष्य लिएको जनाएको छ ।

उक्त सेवाबाट यात्रु तथा बिहानदेखि साँझसम्म ड्युटीमा रहने चिकित्सक, नर्सिङ्ग स्टाफ र प्यारामेडिकको सेवा प्राप्त गर्नुका साथै सबै खाले प्राथमिक उपचार प्राप्त गर्नेछन् ।

साथमा क्लिनिकले निबुलाइजेसन, इ.सी.जी. सेवा, रक्तचाप मापन यन्त्र, जीवनदायी सङ्केतहरूको मापन र परीक्षण, चिकित्सकीय जाँच र परामर्श, रक्त सुगरको परीक्षण, प्राणवायुको मात्रा-संतृप्ति (Oxygen Saturation), ट्रली शय्या र आवश्यक पर्दा वा आकस्मिक अवस्थामा भेन्टिलेटको सेवा÷सुविधा समेत प्राप्त गर्नेछन् ।

अत्याधुनिक सुविधासम्पन्न उक्त मोवाइल सी.सी.यु. (अत्याधुनिक एम्बुलेन्स) बिहानेदेखि साँझसम्म उपलब्ध हुनेछ ।