वीरगन्ज महानगरमा अब मात्रै २७३८ मत गन्न बाँकी, फोरम जीत नजिक

वीरगञ्ज महानगरपालिकाको मतगणना अन्तिम चरणमा पुगेको छ ।   बुधबार मध्यान्ह १२ बजेको मतपरिणामअनुसार संघीय समाजवादी फोरमका उम्मेदवारको अग्रता कायमै रहेको छ ।  वीरगन्ज महानगरमा ८४३१३ मत खसेकोमा फोरमका उम्मेदवार विजयकुमार सरावगीले १८८४८ मत प्राप्त गरेका छन् । उनका निकटतम प्रतिद्धन्द्धि नेपाली कांग्रेसका अजयकुमार द्धिवेदीले १६९३५ मत पाएका छन् ।

विजयकुमार र  अजयकुमारको मतान्तर १९१३ रहेको छ ।  अहिलेसम्म  ८१५७५ मत गणना भइसकेको अवस्थामा अब मात्र २७३८ मत गन्न बाँकी रहेकाले फोरमका उम्मेदवारको जितको सम्भावना प्रवल बनेको छ ।  अब वडा नम्बर १६ को  जम्मा २७३८ मत गन्न बाँकी रहेको हो ।

यस्तै उपमेयरमा  भने कांग्रेसका उम्मेदवारको अग्रता रहेको छ ।  कांग्रेसका उममेयर उम्मेदवारको १९३३८ रहेको छ भने फोरमका उम्मेदवारको १८००५ रहेको छ ।