प्रकाशित मिति : शुक्रबार, जेष्ठ ११, २०७५
बिहीबार दिउँसो नुहाउनेक्रममा बगनासकाली गाउँपालिका–६, यम्घानजिकैको कालीगन्डकीमा बेपत्ता भएका २५ वर्षीय गोविन्द परियारको शव पानीमा डुबेको अवस्थामा फेलापरेको जिल्ला प्रहरी कार्यालय पाल्पाका प्रहरी नायब उपरीक्षक विनोद घिमिरेले जानकारी दिए ।
परियारसँगै बेपत्ता भएका २४ वर्षीय चन्द्रबहादुर परियारको खोजीकार्य भइरहेको प्रहरीले जनाएको छ ।
कुलपूजा सकेर नुहाउन गएका चारजनामध्ये दुईजना बेपत्ता भएको र दुईजनाको नदीबाटै उद्धार गरिएको थियो ।
सोही स्थानका २२ वर्षीय विजय परियार र १८ वर्षीय सागर परियारलाई उद्धार गरिएको थियो ।
उद्धार गरिएको दुवैजनाको लुम्बिनी मेडिकल कलेज प्रभास, पाल्पामा उपचार भइरहेको छ । उनीहरुको स्वास्थ्य अवस्थामा क्रमिक सुधार हुँदै आएको अस्पतालले जनाएको छ । रासस
© copyright 2016-2019 and all right reserved to jaljalakhabar | Site By : sobij
