रेडक्रसको मिस्त्री (मेसन) तालिम समापन

शिवराज पन्थी,गढवा दाङ
नेपाल रेडक्रस सोसाइटीको समुदाय उत्थानशिलतामा अभिबृद्धि कार्यक्रमको आयोजनामा जेठ १५ गतेदेखि गोबरडिहाको पत्रिंगामा सुरु भएको समुदायमा आधारीत मिस्त्री (मेसन) तालीमको आईतबार एक कार्यक्रमका विच समापन गरिएको छ ।
नमूना सामुदायिक विपद तथा जलवायु उत्थानशिल समूहका अध्यक्ष भरतराज अधिकारीको अध्यक्षता र गढवा गाउँपालिका वडा नं. १ का वडाअध्यक्ष बबुराम अधिकारीको प्रमुख आतिथ्यमा भएको तालिम समापन कार्यक्रममा ईन्कोर कार्यक्रम दाङका अधिकृत जगत तामाङ, नेपाल रेडक्रस सोसाइटी उपशाखा गढवाका सचिव शिबराज पन्थी, इनकोर कार्यक्रमका फिल्ड अधिकृत देवि प्याकुरेल र सहभागीको तर्फबाट तुलाराम बिश्वकर्मा लगायतले बोल्नु भएको थियो ।

सो अवसरमा तालिममा २४ जनाको सहभागिता रहेको थियो ।

छ दिने मेसन तालिममा उत्कृष्ट हुने बलदेव चौधरी, शिवनारायण चौधरी, अनिल चौधरी र नरबहादुर बिक लाई हम्मर तथा हेक्स फे्रम पुरस्कार प्रदान गरिएको थियो । तालिमको सहजिकरण नेपाल रेडक्रस सोसाइटी केन्द्रिय कार्यालयका बरिष्ठ ईन्जीनियर मधुकर श्रेष्ठले गर्नु भएको थियो ।

समापन कार्यक्रमको संचालन रेडक्रस कर्मि गणेश गोग्लीले गर्नुभएको थियो ।