सिलाई कटाइ तालिमको समापन

मधु पौडेल, बाँके असार १६

बाकेको जानकी गाउँपालिका वडा १ का २५ महिलाहरुले सिलाई कटाइए तालिमको समापनको अवसरमा प्रमाणपत्र सहित एक÷एक थान सिलाई मेसिन प्राप्त गरेका छन ।

नेपाल सरकार सिमाक्षेत्र विकास कार्यक्रम अन्तर्गत प्रगती महिला बहुउदेश्यीय सहकारी संस्थाको आयोजना तथा जानकी गाउँपालिका वडा न १ को सहयोगमा ४५ दिने सिलाई कटाइ तालिममा सहभागि स्थानिय महिलाहरुले सो मेसिन प्राप्त गरेका हुन ।

सहकारीकी अध्यक्ष टंक कुमारी थापाको सभापत्विमा सम्पन्न सो समापन कार्यक्रमको प्रमुख अतिथिमा जानकी गाउँपालिका वडा १ का अध्यक्ष मो.रज्जा राई तथा विशिष्टि अतिथिमा गाउँपालिका प्रमुख राम निवास यादव रहेका थिए भने युवा संघका केन्द्रिय सदस्य किशोर थापाको उपस्थिति रहेको थियो ।

सहकारीकी सदस्य सुनिता आलेले स्वागत मन्तव्य दिएकी थिइन भने प्रशिक्षकमा भविसरा सुनार र भिम देवी थापा रहेका थिए ।कार्यक्रमको सञ्चालन द्रोण थापाले गरेका थिए ।