रजनिकान्तको कबालीले पहिलो दिनमै २ सय ५० करोड कमायो

काठमाडौं, साउन ९ – सुपरस्टार रजनिकान्तको फिल्म कबालीले  पहिलो दिनमै दुई सय ५० करोड कमाएको प्रोड्युसरले दाबी गरेका छन् । कबाली अहिलेसम्मकै फस्ट डे  हाईएस्ट ओपनर बनेको छ ।

यो बर्ष सलमान खानको फिल्म सुल्तानले झण्डै ३७ करोड कमाई गर्दै फस्ट डे हाईएस्ट ओपनर बनेको थियो । तर रजनीकान्तको फिल्मले सलमानको रेकर्ड पनि तोडेको छ ।निर्माताका अनुसार भारतको तमिलनाडुमा मात्रै फिल्मले शुक्रबार एक सय करोडको कमाई गरेको छ । त्यस्तै एक सय ५० करोडको कमाई देशका अन्य भागमा गरेको छ ।

फस्ट डे कलेक्शनमा कबाली पहिलो नम्बरमा परेको छ । यो भन्दा पहिले नम्बर वानमा रहेको बाहुबलीे ५० करोडसहित २ नम्बरमा छ । ह्याप्पी न्यु इयर ४५ करोडसहित तेस्रो स्थानमा छ । त्यस्तै  प्रेम रतन धन पायो ४० करोडसहित चौथौ र सुल्तान ३६ करोड ५४ लाखसहित पाँचौ स्थानमा छ ।  फिल्मको फस्टाउँदो ब्यापारपछि कबालीका निर्माता कलैपूली एस थानुले भारतमा मात्रै एक सुपरस्टार रजनिकान्त भएको दाबी गरे । कबालीमा अभिनेत्री राधीका आप्टे, धंसिका, कलैरासन मूख्य भूमिकामा छन् ।