दक्षिण कोरिया भन्छ, ‘हामीसँग किम जोंग उनको हत्या गर्ने गोप्य योजना छ’

दक्षिण कोरियाले आफ्नो देशमा उत्तर कोरियाका तानाशाहको हत्या गर्ने गोप्य योजना भएको कुरा सार्वजनिक गरेपछि सबैजना चकित भएका छन् । दक्षिण कोरियाका रक्षामन्त्री हान मिन कूले सो कुराको सार्वजनिक गरेका हुन् ।

विशेष सैन्य युनिट बनाउने तयारीः
उनले सो कुराको जानकारी देशको संसदीय सत्रको क्रममा सांसदहरुले सोधेको प्रश्नको जवाफ दिँदा सार्वजनिक गरेका हुन् ।

उनले भने, ‘यदि दक्षिण कोरियाको सुरक्षामाथि खतरा आए सिओलसँग उत्तर कोरियाको सर्वोच्च नेता किम जोंगको हत्या गर्ने गोप्य प्लान छ । ’ किमको हत्या गर्न दक्षिण कोरियाली सेनाको एउटा भिन्न विशेष युनिट तयार रहेको उनले बताए । तर दक्षिण कोरियाले देशको सम्प्रभुतामाथि खतरा आए मात्र किम विरुद्धको यो योजना लागु गर्ने बताएका छन् ।

धेरै देशले दक्षिण कोरियाको यस्तै प्रकारको योजना बनाइरहेको आशंका गरिरहेका बेला, मन्त्रीको यस्तो सटिक उत्तरले सबैलाई चकित बनाइदिएको छ ।

हामीसँग अर्को कुनै दोस्रो विकल्प छैनः
अर्कोतर्फ उत्तर कोरियाका विदेश मन्त्री री योंग होका अनुसार यदि अमेरिकाले उत्तर कोरियाको सुरक्षामाथि खतरा निम्त्याए आफूहरुले जुनसुकै कदम उठाउन बाध्य हुने बताए । यूएन महासभामा बोल्दै उत्तर कोरियाका विदेशमन्त्री री योंगले आफूहरुसँग परमाणु बमको क्षमता बढाउने बाहेक अरु कुनै विकल्प नभएको बताए । ‘हाम्रो देशको सुरक्षालाई कुनै पनि हालतमा बचाइराख्नका लागि हामीले यस्तो गर्दैछौं ।’

उत्तर कोरियाले दक्षिण कोरियाका रक्षामन्त्रीलाई हत्या गरिदिने चेतावनी दिएको समेत बुझ्न आएको छ ।