भारतले स्विकारेको पाकिस्तानले नकारेको, आखिर के हो ‘सर्जिकल स्ट्राइक’ ?

भारतीय मिडियाले गत बुधबार राती पाकिस्तानको सीमा पार गरी ३८ जना ‘आतंककारी’ लाई मारेको दाबी गरेको छ, यसलाई उनीहरुले ‘सर्जिकल स्ट्राइक’ बताएका छन् । तर, यता पाकिस्तानले भने भारतीय सेनाले सीमा पार नगरेका कारण यसलाई ‘सर्जिकल स्ट्राइक’ भन्न नमिल्ने बताएका छन् । पाकिस्तानी सेनाका अनुसार बुधबार राती भएको घटनामा सीमा पार नगरी गोलीबारी भएको थियो जुन विगतमा धेरै पटक हुने गर्दथ्यो । उक्त घटनामा दुई जना पाकिस्तानी सैनिकको मृत्यु भएको र अन्य ९ जना घाइते भएको पाकिस्तानी मिडियाले जानकारी दिएको छ ।

बुधबारको घटनापछि यी दुई देशबिच अर्को नयाँ विषयमा मनमुटाव सुरु भएको छ, ‘सर्जिकल स्ट्राइक’ बारे । यता भारतले आफूहरुले ‘सर्जिकल स्ट्राइक’ गरेको दाबी गरेपनि पाकिस्तानले भने उनीहरुको दाबीलाई पूर्ण रुपमा नकारेको छ । भारतले स्विकारेको र पाकिस्तानले नकारेको आखिर के हो ‘सर्जिकल स्ट्राइक’, यसबारे जानकारी लिऔं ।

‘सर्जिकल स्ट्राइक’ अर्थात दुश्मनलाई उनकै घरमा घुसेर मार्ने प्रक्रिया । यस्तो हमला ठूलो संख्यामा क्षती पुर्याउनका लागि नभई सिमित दायरामा भएका दुश्मनलाई मार्नको लागि गरिने स्रोतले बताएको छ ।

के हो सर्जिकल स्ट्राइक ?
– जुन ठाउँमा हमला गर्न लागिएको हो, त्यसबारे पूरा जानकारी एकत्रित गरिन्छ ।
– त्यही जानकारी अनुरुप हमलाको प्लानिङ गरिन्छ ।
– यो अपरेसनका लागि कमान्डोको एक समूह तयार गरिन्छ ।
– त्यसपछि निकै गोप्य तरिकाले कमान्डोलाई टार्गेटसम्म पुर्याइन्छ ।
– लगत्तै दुश्मनमाथि चौतफी हमला गरिन्छ ।
– दुश्मनले केही एक्सन लिनुपूर्व नै उनीहरुलाई त्यहाँ घेरेर मारिन्छ ।
– हमला पछि कमान्डो जुन रफ्तारमा त्यहाँ गएका थिए त्यही स्पिडमा त्यहाँबाट फर्कन्छन् ।
– सर्जिकल स्ट्राइकको क्रममा आसपासका मानिस, घर, बिल्डिङ र गाडीहरुलाई केही पनि हानी नोक्सानी नहोस् भनी विशेष ध्यान दिइन्छ ।