नवलपरासीमा अाैद्योगिक व्यपार मेला हुँदै

परासी । नवलपरासीको सुनवलमा तेश्रो पश्चिमाञ्चल औद्योगिक व्यपार मेला २०७३ आयोजना हुन लागेको छ ।
कृषि, पर्यटन, उद्योग व्यापार एवं सुचना प्रविधिको वृहद प्रदर्शनी गर्ने उद्देश्यले अद्योगिक व्यपार मेलाको आयोजना हुन लागेको हो ।

शान्ती समृद्ध उद्योग र व्यपार, राष्ट्र निर्माणको बलियो आधार मुल नाराका साथ आयोजना हुन लागेको व्यपार मेलामा जिल्लालाई कृषि पर्यटन र औद्योगिक जिल्लाको रुपमा परिचत गराउदै धार्मिक, पर्यटकिय क्षेत्रको विकास गराउने उद्योग वाणिज्य संघ नवलपरासीको उद्देश्य रहेको संघका अध्यक्ष भिम बहादुर थापा क्षेत्रीले पत्रकार सम्मेलन मार्फत जानकारी दिए ।

औद्योगिक व्यापार मेलामा तयारी पोशाक, जुत्ता र छालाजन्य उत्पादन, हस्तकला, घरायसी उपभोगका सामान, फर्निचर, निर्माण समाग्रीहरु, खाद्य परीकार, खेलौना, अटोमोबाईल, औषधी जन्य सामाग्री, सेनेटरी वेयर, कृषि औजार तथा समाग्री, कृषि उत्पादनहरु, पर्यटन र सूचना प्रविधिका स्टलहरु रहने बताइएको छ ।

नवलपरासी शान्तिीका अग्रदुत भगवान गौतम बुद्धको मावली पन्डितपुर र विश्वमा एक मात्र स्थानमा सुरक्षित रहेको अष्टधातु रामग्राम स्तुप जस्तो ऐतिहासिक धार्मिक स्थल भएको हुनाले मेलाका मुख्य आकर्षण बुद्ध गौतमको आमा माया देविको मन्दिर आकारको मुख्य प्रवेशद्धार रहने छ भने सुचना प्रविधि (आईटी,) कृषि, पर्यटन, सांस्कृति, बाल उद्यान लगायत मेलाको सहायक आकर्षण रहने संघले बताएको छ ।

मेला आगामी मंसिर २३ गतेदेखि पुष ३ गते सम्म संचालन रहने छ । मेलामा कृषि, पर्यटन, उद्योग व्यपार, सुचना प्रविधिको गरि ३ सय स्टलहरु रहने छन् । मेलामा नेपाल भारतका गरि करिब ३ लाख दर्शकहरुले मेला अवलोकन गर्ने छन् भने मोलबाट करिब ७ करोडको आर्थिक कारोबार हुने संघका बरिष्ठ उपाध्यक्ष नरेन्द्र कुमार गुप्ताले बताए ।