युक्रेनका एक व्यक्तिले आफ्नो नाम आधिकारीक रुपमा ‘आइफोन सेभेन’ मा परिवर्तन गरेर आइफोनको नयाँ ह्यान्डसेट, आइफोन सेभेन हात पार्न सफल भए । एक इलेक्ट्रोनिक स्टोरले यसो गर्ने पहिलो पाँच व्यक्तिलाई एप्पलको प्रोडक्ट दिने बताएको थियो ।

यी २० वर्षीयालाई गत शुक्रबार आइफोन सेभेन हस्तान्तरण गरिएको डेली मेलले बताएको छ ।

उनले आफ्नो नाम ओलेक्जेन्डर टुरिनलाई आफ्नै सन्तान भएपछि पुनः परिवर्तन गर्ने बताए ।

आफ्नो नाम ‘आइफोन सेभेन’ राख्नुहोस् र जित्नुहोस् ३२ जीबिको आइफोन सेभेन

फोनको मूल्य युक्रेनमा ८५० डलरबाट सुरु हुन्छ । यस्तै नाम परिवर्तन गर्न २ डलर लाग्छ ।

सुरुमा नाम परिवर्तन गर्ने उनको मनसायमाथि उनको परिवार र साथीभाइको आपत्ति थियो तर पछि उनीहरुले स्विकार गरे ।

उनकी बहिनी तेत्याना पानिनाले भनिन्, ‘यो वास्तविक हो भनेर स्विकार्न र विश्वास गर्न निकै गाह्रो भएको थियो ।’