ब्राजिल फुटबल समूहका ती ९ सदस्य जसले दुर्घटनाग्रस्त विमान चढेनन्

संसारभरीको फुटबल जगत् अहिले शोकमा छ । ब्राजिल फुटबल समूह बोकेको प्लेन कोलम्बियामा दुर्घटनाग्रस्त भएपछि खेल जगतसँगमा एक्कासी कोलाहल मच्चिएको हो ।

ब्राजिलबाट बोलिभिया जाँदै गरेको उक्त दुर्घटनाग्रस्त विमानमा च्यापाकोएन्स समूह सवार थिए ।

तर त्यही समूहका केही सदस्य उक्त विमानमा चढेनन् । साथीहरुको मृत्युले उनीहरु झनै मर्माहत बनेका छन् । ब्राजिलको समाचार एजेन्सी डियारियो क्याटारिनिजले उक्त समूहका तीन सदस्यको फोटो ट्वीट गरेको छ ।

खेलाडीको ड्रेसिङ रुममा एउटा मन्दिर स्थापना गरिएको छ जहाँ खेलाडीहरुले साथीको आत्माको शान्तिका लागि प्रार्थना गरिरहेका छन् भने खेलाडीका प्रशंसकहरुले स्टेडिम बाहिर फूल, माला चढाइरहेका छन् ।

पत्रकार इयुवान म्याक टियरका अनुसार च्यापाकोएन्सका प्रशिक्षकका छोरासमेत उक्त फ्लाइटमा छन् ।
म्याथिउस सारोली, २१, ले आफ्नो पासपोर्ट हराएपछि उनी ब्राजिलमा बस्दै आएका थिए ।

स्थानीय मिडियाका अनुसार क्लबका अन्य ९ खेलाडीहरुले अन्य खेलाडीसँग यात्रा गरेनन् । यात्रा नगर्नेमा अलिजान्द्रो मार्टिनुसियो, नेनेम डिमर्सन, मार्सेलो बोइक, एन्ड्रि ह्योरान, निभाल्डो, मोइसेस र राफेल लिमा रहेका छन् ।

गोलकिपर मार्सेलो बोइल आफ्नो जन्मदिन भएकाले उक्त विमानमा यात्रा नगरेका हुन् । उनी आफ्नो घरमा आफ्नो ३२ वर्षको जन्मदिन मनाइरहेको बताइएको छ ।

अलिजान्द्रो मार्टिनुसियोलाई चोट लागेका कारण उनले ती समूहसँगै यात्रा गर्नुपरेपनि नजाने छुट पाएका थिए ।

उनले ट्वीट गरेका छन्, ‘कृपया मेरा समूहका साथीहरुका लागि प्रार्थना गर्नुहोस् ।’