किम–जोङका दाइको हत्यामा संलग्न दोस्रो संदिग्ध महिला पक्राउ

उत्तर कोरियाका तानाशाह किम जोंग उनका सौतेनी दाईको हत्यामा संलग्न भएको आशंकामा मलेसिया पुलिसले दोस्रो महिलालाई पक्राउ गरेको छ । दक्षिण कोरियाको समाचार एजेन्सीले किम जोंगका सौतेनी दाइ किम जोंग न्यामको हत्या भएको जानकारी गत मंगलबार दिएको थियो । उनीमाथि दुई महिलाले विषालु सुईमार्फत हमला गरेको आशंका गरिएको छ ।

– मलेसियाको न्यूज एजेन्सी बर्नामाले पुलिस आईजीलाई हवाला दिँदै सो कुराको जानकारी दिएको हो । आइजिपी खालिद अबू बकरले समाचार एजेन्सी बर्नामालाई यो विषयबारे बेलुकासम्म बयान जारी गर्ने बताएको छ ।

योभन्दा पहिले पुलिसले बुधबार एक अन्य महिलालाई पक्राउ गरेको थियो । बुधबार पक्राउ गरिएकी महिलाको नाम दोआन थी हुआंग हो । २८ वर्षकी उनीसँग भियतनामको पासपोर्ट छ ।

पुलिसले यस विषयमा केही अन्य विदेशी संदिग्धमाथि पनि नजर राखिरहेको छ ।

किम जोंग न्यामको हत्या किम जोंग–उनले नै गरेको आशंका जताइएको छ ।

त्रुटिपूर्ण सुरक्षाको उठाए फाइदाः

–योनहापले एक अर्को सूत्रको हवाला दिँदै उत्तर कोरियाको गुप्तचर एजेन्सी ‘द रेकन्नोयसां जनरल ब्यूरो’ को एजेन्टले नै यो हत्या गरेको बताएको छ ।

– एयरपोर्टमा चेकिङको क्रममा जोंग (४५) नामका बडिगार्ड यताउता भए, त्यतिबेला नै दुई महिला एजेन्टले उनको हत्या गरेको बताइएको छ ।

– एक टेलिभिजन च्यानलको दाबी अनुसार हमलापछि दुबै महिला कारमा चढेर फरार भए ।