अमेरिकामा आँधी र बाढीले लियो १४ को ज्यान

एजेन्सी

बैशाख १८ – अमेरिकाको साउथ र वेस्ट इलाकामा आएको आँधी र बाढीले १४ को ज्यान गएको छ । उद्धार समूहले थुपै स्थानमा घर–घर पुगेर रेस्क्यु अपरेशन चलायो ।

– आइतबार आएको आँधीले इस्ट टेक्सासका थुप्रै साना इलाका ध्वस्त पार्यो । यहाँ चारको मृत्यु भयो । यस्तै, अरकंसासमा तीब्र आँधीका कारण तीनको मृृत्यु भएको छ । अधिकारीका अनुसार दुई जना बेपत्ता छन् ।

– यसका साथै, मिसिसिपि र मिसौरीको स्थिती अत्यन्त नाजुक छ । बाढीका कारण यहाँका स्थानीयले ठूलो समस्या झल्नुपरेको छ । वेस्टर्न कन्सासको इन्टरस्टेट हाइवेलाई बन्द गरिएको छ । यहाँ तीन÷चार इन्चको बर्फबारी पनि भयो ।

– यस्तै अरकंसासमा रेस्क्यु अपरेशनमा काम गर्ने क्रममा एक फायर ब्रिगेड भोलुन्टियरको मृत्यु भयो ।

– नेशविल पुलिस डिपार्टमेन्टले ट्वीटरमा टेनेसीमा फुटबल गोलपोष्टको खम्बा खसेका कारण एक वर्षीया बालिकको मृत्यु भएको जानकारी दिएको छ ।

– बाढीमा फसेका मानिसलाई निकाल्नका लागि सुरक्षाकर्मी तिब्र रुपमा रेस्क्यु अपरेशन चलाइरहेका छन् । नर्थवेस्ट अरकंसासमा एक १८ महिने बालिका र ४ वर्षे बालकलाई बाढीबाट निकालिएको छ ।

– साथै, पानीमा बगिरहेका १० वर्षका एक बच्चालाई पनि बचाइएको छ । अरकंसासको डेविटमा घरमा रुख ढल्दा ६५ वर्षीया वृद्धाको मृत्यु भयो ।

– सुरक्षाकर्मी घर–घर पुगेर स्थितीलाई नियन्त्रण गर्न खोजिरहेका छन् ।