बलिउडबाट हलिउड छिरेकी अभिनेत्री दिपीका पादुकोणले अब दोस्रो हलिउड फिल्म खेल्ने भएकी छिन् । उनले हलिउडमा भिन डिजेलसँग ‘एक्सएक्सएक्सः द रिटर्न अफ जेन्डर केज’ खेलेर डेब्यू गरेकी हुन्। फिल्मले धेरै राम्रो व्यापार गर्न नसकेपनि उनलाई राम्रो पहिचान भने दिएयो।
अब उनले यही सिरिजको अर्को सिक्वेल ‘एक्सएक्सएक्स फोर’मा खेल्ने पक्का भएको छ । फिल्म निर्देशक डिजे करुसोले दिपीका नै फेरि अनुबन्धित हुने पक्का गरेका हुन् । सामाजिक संजालमा एक फ्यानको जवाफमा उनले ‘एक्सएक्सएक्स फोर’मा दिपीकासहित सबै पात्र दोहोरिने बताएका हुन् ।
‘एक्सएक्सएक्सः द रिटर्न अफ जेन्डर केज’ पछि अहिले दिपीका बलिउड निर्देशक संजय लिला भन्सालीको फिल्म पद्यमावतीमा व्यस्त छिन् ।
