प्रकाशित मिति : बुधबार, असार ७, २०७४
राष्ट्रपतिको सवारी आइपुग्दा पनि सडकको अर्कोतर्फ जाममा फसेको एम्बुलेन्सलाई बाटो खुला गर्नका लागि सवारी खुला गरिदिएका ट्राफिक सब इन्सपेक्टर एमएल निजलिंगप्पालाई बेंग्लोर प्रहरीले पुरस्कार दिने भएको हो ।
उनलाई दिइने पुरस्कारको बारेमा भने खुलाइएको छैन । उक्त सहरको पूर्वी विभागका डेपुटी कमिश्नर अफ पुलिस ट्राफिक अभय गोयलले ट्वीटरमा ती ट्राफिक प्रहरीको प्रशंसा गरेका छन् ।
बेंग्लोर ट्रिनिटी सर्कलमा ड्युटीमा तैनाथ रहँदा उनले राष्ट्रपतिको सवारीलाई समेत परवाह नगरी जाममा फसेको एम्बुलेन्सलाई बाटो खुलाएका थिए । उनको सो कदमलाई स्थानीय मिडियाले समेत निकै प्राथमिकताका साथ प्रकाशन तथा प्रशारण गरेका थिए ।
© copyright 2016-2019 and all right reserved to jaljalakhabar | Site By : sobij
