सलमानले भने, ‘मलाई एउटै मिति याद छ, त्यो हो कट्रिनाको जन्मदिन’

बलिउडको सबैभन्दा ठूलो अवार्ड कार्यक्रम आइफा अवार्ड यसवर्ष न्यूयोर्कमा आयोजना गरियो । १४ जुलाईदेखि सुरु भएको आइफा २०१७ को पहिलो दिन सलमान खान र कट्रिनाको नाममा रह्यो ।

आइफाको सुरुवाती दिनको पत्रकार सम्मेलनमा सलमान खान, कट्रिना कैफ, आलिया भट्ट, वरुण धवन, कृति सेनन र सुशान्त राजपूतको उपस्थिती रह्यो ।

कार्यक्रमको पहिलो दिन सलमान र कट्रिना आकर्षणको केन्द्रमा रहे । उनीहरु एक अर्कासँग निकै सहज देखिन्थे ।

पत्रकार सम्मेलनमा जब सलमानलाई आइफा कहिले छ भनेर प्रश्न सोधियो तब उनले जवाफ दिए, ‘मलाई एउटै मिति याद छ, त्यो हो कट्रिनाको जन्मदिन ।’ स्मरण रहोस्, कट्रिनाको जन्मदिन १६ जुलाईमा छ । सलमानले कुन तरिकाले कट्रिनालाई बधाई दिन्छन् त्यो हेर्न बाँकी छ ।