प्रकाशित मिति : आइतवार, अशोज २२, २०७४
रुसका ८० शहरमा भएका विरोध प्रदर्शनबाट विपक्षी नेता एलेक्सेइ नभाल्नीका २५० भन्दा बढी समर्थक गिरफ्तार गरिएका छन् ।
नभाल्नीलाई सन् २०१८ को राष्ट्रपति निर्वाचनमा उम्मेदवार बन्न दिनुपर्ने माग प्रदर्शनकारीले राखेका छन् ।
विरोध प्रदर्शनको मूख्य थलो सेन्ट पीटर्सबर्गमा झडप हुँदा दर्जनौं गिरफ्तार गरिएको बताइएको छ ।
राष्ट्रपति भ्लादिमिर पुटिनको ६५औं जन्मदिनका अवसरमा विरोध र्याली निकालिएको हो ।
विपक्षी नेता नभाल्नीलाई सार्वजनिक बैठक गर्दा मान्नुपर्ने नियम उल्लंघन गरेको भन्दै बीस दिनका लागि जेलमा राखिएको छ ।
रुसी निर्वाचन अधिकारीहरु नभाल्नीको अर्को निलम्बित जेल सजायकै मार्च महिनामा हुने निर्वाचनमा नमाल्नी उम्मेदवार बन्न नपाउने बताइरहेका छन् ।
पछिल्ला महिनाहरुमा रुसभर यात्रा गर्दै चुनावी अभियान चलाउँदै आएका नभाल्नीले पुटिनको गृह नगर सेन्ट पीटर्सबर्गमा हुने र्यालीलाई संबोधन गर्ने कार्यक्रम थियो ।
रुसको दोस्रो ठूलो शहर सेन्ट पीटर्सबर्गको प्रदर्शनीमा करुबि तीन हजार सहभागी रहेको र धेरैले ‘नभाल्नी २०१८’ लेखिएका ब्यानर बोकेका थिए । (एजेन्सी)
© copyright 2016-2019 and all right reserved to jaljalakhabar | Site By : sobij
