प्रकाशित मिति : शुक्रबार, मंसिर १, २०७४
सडक कालोपत्रे हुने खबरले स्थानीय उत्साहित भएका छन् । कालोपत्रे गर्न प्रि–क्वालिफिकेशन आवेदन आह्वान गरिएपछि स्थानीय उत्साहित भएका हुन् ।
‘लाइन अफ क्रेडिट फिल्ड थ्री’ सडक पूर्वाधार क्षेत्र विकास कार्यक्रमअन्तर्गत घोषित ३ सय ३० मिलियन अमेरिकी डलरमध्येबाट यो सडक कालोपत्रे गर्ने प्रक्रिया अघि बढेको कार्यक्रम संयोजक श्रीबाबु ढकालले जानकारी दिए ।
पहिलो चरणमा पूर्वयोग्यता आवेदनमार्फत निर्माण ब्यवसायी छानिनेछन् ।
छानिएका कम्पनीबीच प्रतिस्पर्धा गराई दोस्रो चरणमा ठेक्का दिइने छ । पाँचथरको राँकेदेखि धनकुटाको भेडेटारसम्म १ सय १ किलोमिटर सडकको कालोपत्रे गर्न टेन्डर आह्वान गरिएको हो ।
© copyright 2016-2019 and all right reserved to jaljalakhabar | Site By : sobij
