नवौं कपिलवस्तु महोत्सवको तयारी

कपिलवस्तु, मंसिर १८ । कपिलवस्तुमा नवौं कपिलवस्तु महोत्सवको तयारी थालिएको छ । ‘२१औं शताब्दीको आवश्यकता ः युवा उद्यमशिलता’ भन्ने नाराका साथ मंसिर २३ देखि पुष ५ सम्म महोत्सव हुन लागेको हो ।

वाणगंगा वेलफेयर सोसाईटीको आयोजनामा हुन लागेको महोत्सवमा २ सय ९५ स्टल रहने छ । कपिलवस्तुको चार नम्बर जितपुरस्थित बुद्ध रंगशालामा हुने महोत्सवको ६० प्रतिशतभन्दा बढी तयारी भइसकेको मूल समारोह समितिका संयोजक एवं वाणगंगा वेलफेयर सोसाईटीका अध्यक्ष राजकुमार खाँणले जानकारी दिए ।

निर्वाचनसँगै तरङ्गित बनेको जनजीवन र दलहरुबीचको खिंचातानीले महोत्सव प्रभावित नहोस् भनेर औपचारिक र अनौपचारिक रुपमा विभिन्न पक्षसँग छलफल गरेर सुरक्षा प्रबन्ध मिलाइने खाँणले बताए ।