यी फ्लाइट टिप्सले तपाईँको हवाई यात्रा अारामदायी हुन्छ

काठमाडौं । सुरक्षित यात्राको एकदमै भरपर्दो साधन भनेकै हवाई उडान हो । तपाई उड्नु भएको बेला संसारभर १० औं लाख यात्रुले यात्रा गरिरहेका हुन्छन् ।

सामान्यतयाः पहिलो पहिलो चोटी उडान भर्दा डर लाग्नु स्वभाविक हो । यस्तोमा यात्रुहरु आत्तिने, चिन्ता लाग्ने, छपटी हुने, वाकवाकि लाग्ने, अझ कसैकसैलाई पसिना पनि आउने गर्दछ । यसलाई मेडिकल भाषामा फ्लाइट फोबिया वा एभियो फोबिया पनि भनिन्छ । बन्द ठाउँ र उचाईबाट डरलाग्नेलाई क्रमशः क्लास्ट्रोफोबिया र एक्रोफोबिया डर हुन् ।

तर चिन्ता नगर्नुहोस्, तल उल्लेखित फ्लाइट टिप्सले तपाईँको हवाई यात्राको डर मेटाइ दिनेछन् ।

उडानको बारेमा अध्ययन गर्नुहोस्ः यूरोपमा गरिएको एक अनुसन्धान अनुसार अधिकांश अवस्थामा उडानसँग डर लाग्नेहरुलाइ फ्लाइटको बारेमा एकदम थोरै वा कुनै पनि जानकारी नहुने गरेको पाइएको छ । आधुनिक विमानको निर्माणमा प्रयोग भएको प्रविधि अथवा विमान कम्पनीले अपनाएको सावधानी आदिको बारेमा जानकारी राख्नाले यो समस्या हटाउन महत्वपूर्ण हुनेगरेको छ । उडानका क्रममा जहाजको गतिमा हुने परिवर्तनले कम्पन सिर्जना हुनसक्छ, यस्ता आकस्मिक मुभमेन्टुको बारेमा जानकारी हुनाले यो सामान्य प्रक्रिया हो भन्ने थाहा हुन्छ र जसलाई विमान चालकले कुशलता पूर्वक नियन्त्रणमा लिन सक्छन् । उदाहरणका लागि बादल चिर्दा जहाज अलि कम्पन हुनु स्वभाविक हो । जहाज उडान दलले यस्तो बादल भएको रुट उछिन्ने गरेको छ ।

हालसम्म विश्वभरि नै हवाईयात्रालाई भरपर्दो माध्यमको रुपमा मानिएको छ । त्यसैले हवाई यात्रामा डर मान्नुपर्ने केही कारण छैन । नेपालको परिप्रेक्ष्यमा नेपाली विमान कम्पनीले हवाईयात्रा र यसमा अपनाइने सुरक्षाको बारेमा जानकारी दिने गरेका छन् । यी र यस्ता जानकारीले यात्रा सहज बनाउन सहयोग गरेको छ ।

निजी हवाई सेवा प्रदायक कम्पनीमा बुध्द एयरले हरेक उडानका लागि १२ घण्टा अघिदेखि नै मिहिन तयारी गरेको हुन्छ । यसले यात्राको जोखिमहरुलाई न्यूनिकरण गर्न धेरै मद्दत गर्दछन् ।

उडानको तयारी नै सबैभन्दा महत्वपूर्णः आफ्नो उडानको राम्रो तयारी नगर्नुंनै उडान अघि हुने चिन्ताको प्रमुख कारण हो । आफूलाई आवश्यक सर–सामान समयमा नै तयार राख्नाले उडानका दौरान आवश्यक परेमा आफूसँग रहन्छ । अर्को महत्वपूर्ण कुरा उडान अगावै यात्रुले आफ्नो शरीरलाई उडानको लागि तयारी राख्नुपर्छ । त्यसैले बोर्डिङ पास लिनु अगावै केही खान आवश्यक छ । भोको पेटमा यात्रा गर्दा वान्ता आउने र खान मन नलाग्ने हुनसक्छ । विमानस्थल सहि समयमा पुग्न पनि उत्तिकै महत्वपूर्ण छ । बाटोमा हुनसक्ने अनावश्यक ट्राफिक जामले यात्राको क्रममा थप चिन्ता बढाउन सक्छ ।

पश्चिमा देशहरूमा फ्लाइट अघि योगाध्यान गर्ने चलन सुरु भएको छ । हावर्ड विश्वविद्यालयका डा. सारा लाजरले गरेको अध्ययनले यात्रा अघि गरिने ध्यानले यात्राका क्रममा हुने तनाव कम गर्ने निष्कर्ष निकालेका छन् ।

यसका बाबजुद पनि हवाईयात्रा प्रति संकोच भएमा आफ्नो पारिवारिक डाक्टरसँग सल्लाह लिन आवश्यक छ ।

यात्रालाई नितान्त मनोरञ्जन बनाउनुहोस् । यदि तपाई पहिलो पटक यात्रा गर्दै हुनुहुन्छ भने आफ्नो यात्रालाई आफूले अहिलेसम्म प्रतीक्षा गरेको यात्राको रुपमा लिनुहोस् र आफूलाई त्यसैमा  व्यस्त राख्नुहोस् । जहाजले जमिन छाड्ने बित्तिकै तपाई हावामा उड्दै हुनुहुन्छ यो समयलाई अविस्मरणीय बनाउनुहोस् र जीवनमा बाँकी फ्लाइटको प्रतीक्षा गर्नुहोस् । यदि तपाईँ निरन्तर हवाई यात्रा हुनुहुन्छ भने नयाँ उडान एउटा अंकको लागि मात्र अर्को उडानको रुपमा लिनुहोस् यदि यसो गर्दा पनि तनाव कम नभएका विमानमा रहेका परिचारिकालाई  जानकारी गराउनुहोस् ।  यसो गर्नाले यात्राको दौरान तपाईलाई कुनै समस्या परेमा सहयोग गर्न सजिलो हुन्छ ।

यात्रामा मन पर्ने गीत, पोडकास्ट वा अडियो किताब सुन्दा निरन्तरको जहाजको आवाज सुन्नु पर्दैन जसले तपाईँको तनाव कम गर्न सघाउने छ । बुध्द एयरका एटीआर सिरिजका जहाजमा ध्वनी प्रदुषण न्यून रहेको छ । यस्तै केही पढ्दा, लेख्दा, चित्र कोर्दा वा दैनिक भन्दा फरक हातले लेख्ने कोसिस गर्दा ध्यान फ्लाइटभन्दा बाहिर जान्छ र तनाव कम हुन्छ । यसो गर्दा पनि तनाव कम नभए नाकाबाट लामो सास लिने र मुखबाट फ्याँक्ने गर्नाले पनि मुटुको धड्कन केही सामान्य बन्छ । यस्तो अवस्थामा यात्रुले एयर ब्याग अर्थात् हावा थैलीको प्रयोग गर्नसक्छ र पानी पनि माग्न सक्छ । पानीले लगभग सबैखाले तत्कालको समस्या समाधान गर्नसक्छ ।

यात्राको अन्त्यः यदि जहाज अवतरण गर्ने तयारीमा छ भने ४–५ दिनपछि सम्मको दैनिकी सम्झिनुहोस्, साथीभाईसँगको सुखद समयलाई सम्झिनुहोस्, आफ्नो समय र यात्रालाई कसरी अधिकतम सदुपयोग गर्न सकिन्छ विचार गर्नुहोस्, यसो गर्नाले तपाईलाई आफ्नो यात्रामा उर्जा थप्ने छ । आफ्नो यात्रापछि यात्रामा भएका नराम्रा अनुभवको बारेमा कहिल्यै नसम्झनुहोस् यसको सट्टा आफुले त्यस्तो अवस्थामा आफूलाई कसरी सम्हाल्ने सम्झनुहोस् ।
आफ्नो यात्राको दौरान भएका केही सुखद् र अविस्मरणीय घटना सम्झनुहोस् जसले अर्को यात्राको तयारी सहज बनाउने छ ।
यहाँको उडान रमाइलो र सुखद् होस् ।