प्रकाशित मिति : आइतवार, पुस २, २०७४
काठमाडौंसहित मुलुकभर चिसो बढेको छ। उपत्यकाको न्यूनतम तापक्रम २ डिग्रीको हाराहारीमा झरेको छ ।
शनिबार काठमाडौंमा यस बर्षकै सबैभन्दा बढी चिसो अनुभव गरिएको छ। यो खबर हामीले आजको नेपाल समाचार पत्रबाट लिएका हौ। शनिबार साँझ ६ बजेको न्यूनतम तापक्रम २ दशमलव ८ डिग्री रेकर्ड गरेको थियो । तापक्रम क्रमश घट्दै जाने र अझ चिसो बढ्ने बताइएको छ । ‘यसपटक हिउँदमा शनिबार काठमाडौंमा सबैभन्दा बढी चिसो महसुस भएको छ। जुन तथ्य विमानस्थलको उपकरणले पुष्टी गरेको छ,’ महाशाखाका मौसमविद मीनकुमार अर्यालले भने।
बाक्लो बस्तीबाहेकका खुला स्थल र उपत्यकाका विभिन्न भञ्ज्याङबाट हावा भित्रने र बाहिरिने नाका आसपासका क्षेत्रमा न्यूनतम् तापक्रम शून्यका हाराहारीमा झर्न थालेको उनले बताए। मध्य हिउँद अझै बाँकी रहेकाले अझै तापक्रम घट्ने उनले बताए।
© copyright 2016-2019 and all right reserved to jaljalakhabar | Site By : sobij
