साँढेको आक्रमणबाट १३ वर्षीया बालिकाकोे मृत्यु, १० भन्दा बढी घाइते

कपिलवस्तु, पुस १६ । महाराजगन्ज नगरपालिकामा साँढेको अक्रमणबाट वडा नम्बर–३ का द्वारिका गुप्ताकी १३ वर्षीया छोरी जानकीको मृत्यु भएको छ ।

साँढेको आक्रमणबाट महाराजगन्ज चमरसठमा दुई महिला घाइते भएका छन् भने बगाहियाका सुसु भनिनेको ढाड भाँच्चिएकामा भारतको लखनौमा उपचार भइरहेको रामबलि यादवले बताए ।

आक्रमणबाट गौडहवामा पनि चारजना घाइते भएको इलाका प्रहरी कार्यालय महाराजगन्जले जनाएको छ । स्थानीयवासी बृजेश यादवले एकहप्तादेखि साँढेले महाराजगनज आसपासमा आतंक मच्चाएको जानकारी दिए ।

साँढेले बाटामा हिँडडुल गरेका जो कोहीलाई पनि अक्रमण गर्ने गरेको छ । अहिलेसम्म १०भन्दा बढी स्थानीयवासी घाइते भएका छन् । नगरपालिकाले साँढे नियन्त्रण गर्न प्रहरी, पशुसेवा कार्यालयका कर्मचारीलगायतलाई परिचालन गरेको छ । रासस