प्रकाशित मिति : सोमवार, फाल्गुन १४, २०७४
काठमाडौं, फागुन १४ । चीनको सत्तारुढ कम्युनिष्ट पार्टीले राष्ट्रपतिको कार्यकाल दुई कार्यकाल मात्र रहने संवैधानिक प्रावधान हटाउन प्रस्ताव गरेको छ ।
यो कदमले दोस्रो कार्यकालमा रहेका राष्ट्रपति सी चिनपिङलाई पदमै रहने बाटो खोल्नेछ । राष्ट्रपति सीले आफ्नो कार्यकाल २०२३ पछि पनि लम्ब्याउन चाहेको अनुमान गरिन्छ ।
गत वर्ष मात्र कंग्रेसको वार्षिक सम्मेलनले उनलाई माओ पछि कै शक्तिशाली नेताको रुपमा प्रस्तुत गरेको थियो ।
यस्तै सीको विचारलाई पार्टीको संविधानमा प्रतिस्थापित गरेको थियो भने उनको उत्तराधिकारीका रुपमा कुनै पनि नेतालाई अगाडि सारिएन ।
सी सन् २०१३ देखी राष्ट्रपति हुनुहुन्छ भने सन् २०२३ मा उनको दोस्रो कार्यकाल पनि सकिँदैछ । चीनमा राष्ट्रपतिको कार्यकाल पाँच वर्षको हुन्छ । (एजेन्सी)
© copyright 2016-2019 and all right reserved to jaljalakhabar | Site By : sobij
