टाउको काटिए पनि डेढ वर्षसम्म जिउदो रहयो यो कुखुरा, यस्तो छ जीवन कथा!

एजेन्सी, इतिहासको पानामा कैयौ अनौठो र अद्भुतको घटनाहरु दर्ता भएका छन् । अब यस घटनाले पनि इतिहासमा दर्ता पाएको छ । सामान्यतया कुखुराको मासुको लागी सबैभन्दा पहिला टाउको काट्ने गरिन्छ । तर यो घटना भने निकै नै चकित खालको रहेको छ ।  एक चमत्कार जस्तो नै भएको छ कि यो कुखुरा  टाउको बिना डेढ वर्षसम्म जिउदो रहेको छ । तपाइलाई विश्वास नलाग्न सक्छ । इन्टरनेटको माध्यमबाट तपाई सत्यता जान्न सक्नु हुन्छ ।

बीबीसीको रिपोर्ट अनुसार  इतिहासमा दर्ता भएको यो घटना अमेरिकाको कोलोराडोको हो । यहाँ ल्योय्ड ओस्लेन नामक एक व्यक्तिले  पोल्ट्री फर्म चलाउने गर्थे । १० सेप्टेम्बर १९४५ मा ल्योय्ड र उनकी पत्नी कालरा कुखुरा  काटीरहेका थिए । उनीहरुले कुखुराको  टाउको काट्दै साइडमा राखिरहेका थिए । ती मध्ये एक कुखुरा टाउको काटिए पछि पनि जीवित फार्ममा घुमिरहेको थियो । तर यो कुरा न ल्योय्डलाई थाहा थियो न उनको पत्नी कालरालाई । जब उनीहरुलाई यो कुरा उनको नातीले आएर भन्यो तब उनीहरु चकित भए । उनीहरुले त्यसलाई समात्न कोशिश गरे तर सफल भएनन् । शायद तातो रगतको कारणले गर्दा त्यसमा अझै सास बाँकी रहेको थियो । भोलिसम्ममा मर्छ होला भनेर छोडिदिए तर भोलिपल्ट पनि जिउदो देखेपछि उनीहरु आश्चर्यमा परे ।

वास्तवमा माइक नामक यस कुखुरालाई काट्ने समयमा ल्योय्डले गल्ती गरेका थिए । जसबाट कुखुराको सिरको अगिल्लो भाग काटिएको थियो तर नसा र एक कान भने रहेको थियो । यसैको मद्दतले त्यसले सास लिने गर्थ्यो । ल्योय्डलाई कुखुरा माथी दया आयो र कुखुरालाई ड्रप मार्फत दूध र दाना खुवाउन थाले । त्यस पछि एका-एक चर्चामा आएपछि कुखुरालाई हेर्न मान्छेहरुको भिड लाग्न थाल्यो । यस समयमा  उनीहरुले कमाई पने गरे । त्यस पछि एक फेमस म्यागजिनले  उनको र उनको कुखुराको तस्वीर शेयर गरेपछि त्यस कुखुराको मूल्य १० हजार डलर पनि लगाईएको थियो । एक शोको समयमा कुखुरालाई खाना खुवाउने सिरिन्ज छुट्यो र कुखराको करिब डेढ वर्ष पछि मृत्यु भयो ।