प्रकाशित मिति : बुधबार, जेष्ठ १५, २०७६
चाङ्शा । चीनको हुनान प्रान्तमा भएको कोइला खानी दुर्घटनामा पाँच जनाको मृत्यु हुनुका साथै एक जना घाइते भएका छन्। लोङटान नगरको झिङलोङ कोइला खानीमा मङ्गलबार अपराह्न करिब ५ बजे उक्त दुर्घटना भएको थियो।
घाइतेहरुलाई तत्कालै उद्धार गरी अस्पताल पु-याइए पनि पाँच जनाको ज्यान गएको थियो। घाइते एक मजदूरको अस्पतालमा उपचार भइरहेको छ।
प्रारम्भिक अनुसन्धानमा खानीको सुरुङभित्र एकाएक फैलिएको विषालु ग्याँसका कारण मजदूरहरु सख्त घाइते भएको देखिएको छ। ग्याँसका कारण सुरुङभित्र अक्सिजनको अभाव भएको थियो। स्थानीय सरकारले खानी दुर्घटना न्यूनीकरण गर्न आदेश दिएको छ।
© copyright 2016-2019 and all right reserved to jaljalakhabar | Site By : sobij
