ट्रम्पको करसम्बन्धी कदमको मेक्सिकोले प्रतिरोध गर्ने

मेक्सिको सिटी । अमेरिकी राष्ट्रपति डोनाल्ड ट्रम्पद्वारा मेक्सिकोसँग पाँच प्रतिशत थप कर लिने गरी यसै साता गरेको निर्णयको शनिबार मेक्सिकोले विरोध गरेको छ।

मेक्सिकोले सीमानामा आप्रबासी शरणार्थीलाई अमेरिका प्रवेशमा नियन्त्रण गर्न अपनाउनु पर्ने आवश्यक प्रक्रिया शुरू नगरेको साथै मेक्सिको र अमेरिकाको सिमाना हुँदै अमेरिका प्रवेश गर्ने आप्रबासीहरूको नियन्त्रणमा नसघाएको आरोपमा उसले थप करको घोषणा गरेको मेक्सिकोले जनाएको छ ।

मेक्सिकोको विदेशमन्त्रालयका उत्तर अमेरिका मामिला हेर्ने उच्च कूटनीतिज्ञ जेसस सैयदले भने, “अमेरिकी उक्त कदम ‘अनर्थपूर्ण’ रहेको छ र यसको हामी उचित जवाफद्वारा प्रतिवाद गर्नेछौँ ।

यदि यो लागु भयो भने हामीले कडारूपमा प्रतिवाद गर्नेछौँ। अमेरिकी राष्ट्रपतिले मेम्सिकोबाट आयत गर्ने सामानमा आगामी जुन १० देखि लागु हुनेगरी कर वृद्धिको घोषणा गरेको हुन् ।