महिला यात्रुलाई सडकमै निर्घात कुट्ने ड्राइभरलाई मुद्दा, भिडियोमा हेर्नुहोस् यसरी कुटेका थिए

काठमाडौं। चर्को भाडा लएको विरोध गर्दा सडकमैमहिला यात्रुलाई निर्घात कुटपिट गर्ने चालकविरुद्ध मुद्दा दर्ता भएको छ । कञ्चनपुर प्रहरीले ती चालकविरुद्ध मुद्दा दर्ता गरेर कारवाही अगाडि बढाएको हो । गोकुल बोहरा नामका ती चालकले एक महिला यात्रुलाई सडकमै निघाइत कुटपिट गरेको भिडियो भाइरल भएको थियो । हेर्नुहोस् भाइरल भिडियो –

से १ ज १०९४ नम्बरको किया गाडीका चालक बोहराले धनगढीकी लक्ष्मी धनाडीलाई सडकमै लछारपछार र कुटपिट गरेका थिए । महिलालाई सार्वजनिक स्थलमै कुटपिट गर्ने बोहराविरुद्ध ‘सार्वजनिक हित शान्ति सुरक्षा, सुविधा र नैतिकता विरुद्धको कसुर’मा मुद्दा दर्ता गरिएको हो ।

सँगै यात्रा गरिरहेका बैतडीको मेलौली नगरपालिका, सलेनाका दिपेन्द्र चन्दले उक्त कुटपिटको भिडियो खिचेर सामाजिक संजालमार्फत सार्वजनिक गरेका थिए । उनै दिपेन्द्र चन्द र कुटपिट गरिएकी धनाडीको संयुक्त उजुरी अनुसार चालक बोहराविरुद्ध मुद्दा दर्ता गरिएको हो । उक्त मुद्दा अनुसार पीडकलाई एक वर्षसम्म जेल सजाय र २० हजार जरिवाना वा दुवै सजाय हुने कानुनी ब्यवस्था छ ।