कतारमा पत्रकार महासङ्घद्वारा सुचनाप्रवाह

दोहा । नेपाल पत्रकार महासङ्घ कतार शाखाले शुक्रबार कतारमा रहेका पत्रकारहरूलाई लक्षित गर्दे ‘सुचनाप्रवाह,  व्यवस्थापन तालिम तथा सचेतना कार्यक्रम’ सम्पन्न गरेको छ।

संघका अध्यक्ष करिम बक्स मियाँको सभापतित्व र नेपाल पत्रकार महासंघ केन्द्रीय उपाध्यक्ष तथा प्रमुख प्रशिक्षक बिपुल पोख्रेलको प्रमुख आतिथ्यमा कार्यक्रम ए सम्पन्न भएको थियो  पहिलो चरणको सूचना प्रवाह, व्यवस्थापन तालिम तथा सचेतना कार्यक्रम’ कार्यक्रममा कतारमा रहेका सङ्घसंस्थाका, बुद्धिजीवी र पत्रकारहरूको बाक्लो उपस्थिति रहेको थियो ।

कार्यक्रममा प्रशिक्षक बिपुल पोख्रेलले आफू रहेको ठाउँ, देशको कानुनको बारेमा  राम्रोसँग जानकार रहेरमात्र सूचना(प्रवाह गर्नुपर्ने बताएका थिए । पोख्रेलले कुनै पनि समाचार गलत नहुने र गलत  कुरालाई समाचारको रूप दिन खोज्ने व्यक्ति पत्रकार पनि नहुने कुरा स्पष्ट पारे ।

प्रशिक्षण कार्यक्रमसहित अन्तरक्रिया कार्यक्रम रहेको कारण पोख्रेलले विभिन्न  सहभागीहरूको प्रश्नको उत्तर दिएका थिए ।  गलत कुरालाई समाचारको रूप दिन खोजेर जनमानसमा भ्रम पैदा गर्ने व्यक्तिहरूलाई प्रेस काउन्सिलले निगरानीमा राख्ने र त्यस्ता व्यक्तिलाई कानुन अनुसार कारबाही गर्नेमा आफू ढुक्क रहेको पनि पोख्रेलले बताए ।

कार्यक्रममा समाचार लेखनको बारेपनि छोटो समयमा धेरै कुराको जानकारी गराइएको थियो  कार्यक्रममा सहभागीहरूलाई प्रशिक्षण कार्यक्रमको प्रमाणपत्र प्रदान गरिएको थियो ।