प्रकाशित मिति : शनिबार, असार २१, २०७६
काठमाडौँ ।वीरगन्ज महानगरपालिका-२१ लिपनीविर्तामा रहेको सुशील वनस्पति उद्योगमा भीषण आगलागी भएको छ । बिहान ३ बजेबाट सुरु भएको आगलागी अहिलेसम्म नियन्त्रणमा आउन नसकेको पर्साका प्रहरी नायव उपरीक्षक अनन्त राज शर्माले जानकारी दिए ।
आगलागी नियन्त्रण गर्नका लागि नेपाली सेना, सशस्त्र प्रहरी, नेपाल प्रहरी र स्थानीयले प्रयास गरिरहेका छन् ।
आगलागी नियन्त्रणका लागि वीरगन्ज महानगरपालिका, जितपुर सिमरा उपमहानगरपालिका, कलैया उपमहानगरपालिका र नेपाल आयल निगम अमलेखगञ्जको बारुण यन्त्रले प्रयास गरिरहेको शर्माले बताए । आगलागी कसरी भएको हो भन्ने बारेमा अहिलेसम्म केही खुल्न नसकेको उनको भनाइ छ ।
नयाँ पत्रिकाबाट
© copyright 2016-2019 and all right reserved to jaljalakhabar | Site By : sobij
