सावित्री हत्या प्रकरणः आरोपीलाई १० दिन थुनामा राख्न अनुमति

काठमाडौं । भक्तपुरको सावित्री भट्टराई हत्या प्रकरणमा पक्राउ परेका ४ जनालाई १० दिन थुनामा राख्न मंगलबार अदालतले अनुमति दिएको छ ।

भक्तपुरको चाँगुनारायण नगरपालिका–७, बाँसबारीकी सावित्री भट्टराई हत्या प्रकरणमा पक्राउ परेका उनीहरुमाथिको अनुसन्धान नसकिएको भन्दै प्रहरीले जिल्ला अदालत भक्तपुरमा म्याद थप मागेको थियो । प्रहरीको मागअनुसार जिल्ला अदालतले उनीहरुलाई १० दिन थुनामा राख्न आदेश दिएको भक्तपुर प्रहरीले जनाएको छ ।

सावित्री हत्या प्रकरणमा मृतककी छोरी ईश्वरी, उनका प्रेमी मोहम्मद नौसाद, कन्ट्याक्ट किलर भारतीय नागरिक अर्जुनकुमार भनिने भोला कुमार र मोहमद रइस पक्राउ परेका छन् ।

सावित्री हत्यामा उनकै छोरी ईश्वरीको हात रहेको प्रहरीले खुलासा गरेको थियो । ईश्वरी र उनका प्रेमी नौसादले हत्याका लागि भारतीय कन्ट्रयाक्ट किलरलाई सुपारी दिएको प्रहरी अनुसन्धानले खुलासा गरेको थियो ।