एमाले चोकबाट चोरीको अभियोगमा ३ जना पक्राउ

धादिङ। प्रहरीले धादिङमा विभिन्न सामान चोरी गरेको अभियोगमा तीन जनालाई पक्राउ गरेको छ।

धादिङ निलकण्ठ नगरपालिका–३ एमाले चोकमा बस्ने नारायण श्रेष्ठले आफ्नो डेराबाट मोबाइल र नगद चोरी भएको निवेदन दिएसँगै खोजतलास गर्ने क्रममा उनीहरुलाई पक्राउ गरिएको प्रहरीले जनाएको छ।

पक्राउ पर्नेमा धादिङ निलकण्ठ नगरपालिका–४ बस्ने २० वर्षीय सुजन ठकुरी, ऐ.ऐ बस्ने १८ वर्षीय किशान श्रेष्ठ र सोही ठाउँ बस्ने २० वर्षीय निशान सुन्दास रहेका छन्।
प्रहरीका अनुसार धादिङ निल्कण्ठ न.पा. वडा नं. ३ एमाले चोक स्थित निशान सुन्दासको कोठा खानतलासी गर्दा चोरी गरी ल्याएको विभिन्न सामानहरु समेत फेला परी बरामद गरिएको र तिनै जनालाई नियन्त्रणमा लिइएको हो।

पक्राउ पर्ने तिनै जनाविरुछ अहिले जिल्ला प्रहरी कार्यालयबाट चोरी मुद्दामा थप अनुसन्धान भइरहेको प्रहरीले जनाएको छ।