अबैध २५ लाख रुपैयासहीत एकजना रौतहट प्रहरीको नियन्त्रणमा

रौतहट मेवालाल यादव
साउन ८ गते

जिल्ला प्रहरी कार्यालय रौतहटको अपराध अनुुसंधान टोलीले २५ लाख रुपैया सहीत एकजनालाई नियन्त्रणमा लिएको छ ।

गौर नगरपालिका ३ स्थित बिपी चौक नजिकै बाट गडीमाई नगरपालिका ७ का २३ बर्षिय अजमतुल्ला अन्सारीलाई २५ लाख रुपैया सहीत नियन्त्रणमा लिएको हो । गत सोमवार गोप्य सुुचनाको आधारमा प्रहरीले चेकजाँच गर्दा अन्सारीले बोकेको झोलामा नेपाली २५लाख रुपैया फेला परेको जिल्ला प्रहरी कार्यालय रौतहटले आज सार्वजिनक गरेको छ ।

बरामद भएको उक्त ठुलो रकमको अन्सारीले भरपर्दो स्रोत खुलाउन नसकेको कारण रुपैया सहीत अनुुसंधानको लागी नियन्त्रणमा लिएको जिल्ला प्रहरी प्रमुख एसपी भुपेन्द्र खडकाले जानकारी दिनुभयो ।

आवशयक प्रारम्भिक अनुसंधान पश्चात थपअनुुसंधानका लागी अन्सारीलाई रुपैया सहीत मंगलवार सम्पती शुद्धीकरण बिभाग हरिहर भवन पुलचोक ललितपुर पठाएको एसपी खडकाले बताउनुभयो । २५लाख रुपैया सहीत पक्राउ परेका अन्सारी हुण्डी कारोवारी रहेको कतिपयले अडकल गरेपनी प्रहरीले भने पुुष्टी गरेको छैन ।